Benvidos á nosa Casa
Casa + Familia = Felicidade
A Casa da Maestra é unha casa de pedra do país construída polos nosos pais coas súas propias mans hai case 100 anos, e que foi pouco a pouco adecuada e actualizada para ir acollendo a familia.
É, polo tanto, unha casa eminentemente familiar que, cando o niño se foi baleirando, se reconverteu en casa turístico vacacional para que outra xente goce do que con agarimo e esforzo se construíu ao longo destes anos.
Está na comarca do Barbanza, a tres quilómetros da praia e de Rianxo, un pequeno porto pesqueiro da Ría de Arousa con tendas, farmacia, bancos e praza de peixe. Alúgase completa, para entre 4 e 12 persoas, con 5 dormitorios e 8 camas: ideal para familias con nenos ou grupos de amigos que busquen uns días de descanso e tranquilidade.
Estamos a mellorar a nosa web. Para reservas, prezos ou calquera consulta, chámanos ao +34 661 332 912 ou escríbenos desde o noso formulario de contacto.
A nosa Casa
Descubre os recunchos que che ofrecemos
A casa
Casa de pedra de dúas plantas con balcón, construída hai case un século e rodeada por un xardín valado. Aparcadoiro propio e acceso asfaltado.
O xardín
Amplo xardín con céspede, froiteiras, bambáns e hamacas para gozar ao aire libre. Hai bicicletas á disposición dos hóspedes.
Barbacoa e alpendre
Alpendre con pérgola, mesa de pedra e barbacoa de obra para comer fóra nos días longos de verán.
A cociña
Cociña tradicional con lareira de pedra, equipada con lavalouza, lavadora e microondas. A casa dispón de dúas cociñas.
O salón
Sala de estar con televisión, biblioteca e colección de xogos de mesa. Calefacción en toda a casa.
O comedor
Comedor cunha gran mesa de madeira e saliña acristalada contigua, con sitio para que todo o grupo se sente xunto.
Os dormitorios
Cinco dormitorios e oito camas, con televisión nas habitacións. Berce dispoñible baixo petición.
Os baños
Baños en habitación e compartidos, un deles adaptado, e bañeira de hidromasaxe para relaxarse tras unha xornada de ruta.
Sala de xogos
Billar, futbolín e xogos para os días de chuvia: a sala favorita dos máis pequenos (e dos non tan pequenos).
Servizos e equipamento
Aloxamento enteiro · de 4 a 12 persoas · 5 dormitorios · 8 camas · Admítense mascotas
Exterior
- Xardín e terraza
- Barbacoa
- Zona de aparcadoiro
- Bicicletas dispoñibles
- Bambáns
Interior
- Dúas cociñas equipadas
- Lavadora e lavalouza
- Calefacción
- Salón con TV e biblioteca
- Comedor e saliña acristalada
Lecer
- Billar e futbolín
- Colección de xogos
- Bañeira de hidromasaxe
- Televisión en habitación
- Acceso a internet
Para todos
- Baño adaptado
- Berce dispoñible
- Admítense mascotas
- Acceso asfaltado
- A 3 km da praia
